မန္တလေးက အနုပညာရှင်များရဲ့ နာဂစ်မုန်တိုင်းသင့် ပြည်သူများအတွက် ကြိုးပမ်းမှု

မန္တလေးက ဇာတ်မင်းသားလေးများက စုပေါင်းပြီး ငါးရက်တာ အလှူခံထွက်ကြသလို အငြိမ်များက လူရွှင်တော်များကလည်း အလှူခံထွက်မယ်လို့ သိရပါတယ်။ စာပေစာနယ်ဇင်းအဖွဲ့များကလည်း  တတ်နိုင်သမျှ စုစည်းလို့ အလှူခံနေတယ်လို့ သိရပါတယ်။ အားလုံးကတော့ ကြိုးစားလို့ စာနာမှုနဲ့ ကူညီနေကြပါပြီ . . . လှူပြီးလဲ ထပ်လှူပါဦးလို့ တိုက်တွန်းရမှာပါပဲ . . .

နာဂစ်မုန်တိုင်းအတွက် မန္တလေးမြို့တော်က အလှူများ

၂-၅-၂၀၀၈နဲ့ ၃-၅-၂၀၀၈ရက်များမှာ တိုက်ခတ်ခဲ့တဲ့ နာဂစ်အမည်ရှိ ဆိုက်ကလုန်းမုန်တိုင်းကြောင့် မြန်မာနိုင်ငံအောက်ပိုင်းရှိ ရန်ကုန်တိုင်း၊ ဧရာဝတီတိုင်း စသော လေဘေးသင့်ပြည်သူများသို့ မန္တလေးတိုင်းအတွင်းရှိ စေတနာရှင်များက နေ့စဉ်လှူဒါန်းလျက်ရှိပါတယ်။ ယခုအချိန်အထိ လေကြောင်း၊ မီးရထား၊ ကားများဖြင့် ကယ်ဆယ်ရေးပစ္စည်းများတင်ပို့လျက်ရှိကြပါတယ်။ လှူဒါန်းမှုများကို တိုင်းအေးချမ်းသာယာရေးနှင့်ဖွံ့ဖြိုးရေးကောင်စီ၊ မန္တလေးမြို့တော်စည်ပင်သာယာရေးကော်မတီ စတဲ့ အဖွဲ့အစည်းများက ဦးဆောင်ပြီး ပါဝင်လှူဒါန်းလျက်ရှိပါတယ်။ ပါဝင်လှူဒါန်းသူများအားလုံးကို ၀မ်းမြောက်စွာ သာဓုခေါ်ဆိုအပ်ပါတယ်ခင်ဗျာ ထပ်မံလည်း လှူဒါန်းကြပါဦးလို့ ဖိတ်ခေါ်လိုက်ရပါတယ် . . .